HANNAH MONTANA

-

-

-

منو من البنات الصغار و حتى الأولاد مايعرف هانا مونتانا

اذا كنتوا بتعرفون منو هانا مونتانا هذي

طلعوا الظهر حزة الهده ، و مروا على ابتدائية بنات

و سألوهم منو هانا مونتانا

-

أنا كنت مثلكم

مادري شسالفة هالبنت

لما عرفت شتطلع هذي من بنات الابتدائي و المتوسط

لما شفت صورها و صور الممثلين معاها بيد كل بنت

اللي شاريه الصور و اللي مطلعتهم من النت و اللي متسلفتها من رفيجتها

أووو أثاريها تحجي عندهم

-

أنا من الصور حسيت ان في شي غلط

لما فتحت التلفزيون و شفت جم حلقة منها

-

-

مسلسل يخص فئة البنات عموماً اللي أعمارهم من 9 سنين الى 14 سنة تقريباً

البطلة اهي هانا مونتانا اللي شايفين صورتها فوق

عندها موهبة الغناء و كل اللي بعمرها يحبونها

تسوي حفلات غنائية

لكن تخفي هالشخصيه بالمدرسة

-

هذا بالمختصر المفيد

-

-

-

لما شفت المسلسل حسيت انه ماعجبني كلش

فيه وايد اشياء غلط

تعلم اليهال أشياء موحلوة

من لبس

اخلاق

معامله

طريقة الكلام

علاقات

حركات

-

-

بصراحه حسيت وايد من بنات بعمر الـ 10 و الـ 11 و الـ 12

نفس حركات البنات بهالمسلسل

جد و مابالغ

بحكم ان مسلسل متواصل فاتوقع يزرع الأشياء الغلط شوي شوي بالبنت

و بما ان كل البنات حابينها و هابين فيها فهالشي يساعد بعد في ان بنت تتعلم من بنت

يمكن أولياء الأمور مايحسون بهالشي للوهله الاولى لما يشوفون لهم حلقه من هالمسلسل

لكن مع المتابعة و طول الفترة و كثرة المشاهدة من البنات

راح يأثر هالشي بشكل سلبي

و يمكن بعض البنات هالشي واضح جداً عليهم من التقليد للحركات و الكلام و حتى اللبس و المكياج

غير الصور اللي منتشرة بكثرة بينهم

-

-

يا حلونا قبل و ياحلو برائتنا

حدنا صور ليدي تطلع لنا اذا شرينا علج

و الصبيان صور كابتن ماجد من البسكوت

-

-

-

من تفكيري اكتشفت شي

ان تأثير المسلسلات أكبر من تأثير الأفلام

لأن الأفلام ساعتين و تنتهي الأحداث و كان الله غفوراً رحيما

لكن المسلسلات تعيش معانا فترة طويله يمكن تتعدى الشهر و الشهرين

هالشي يربي و يزرع المبادئ و الاخلاق سواء كانت ايجابية او سلبية

او يخلينا اللي كنا نشوفه غلط

صرنا نشوفه عادي و مانتأثر

من دون مانحس

-

-

-

-

-

فديروا بالكم على عيالكم و اخوانكم

و تابعوهم شيشوفون و شيقرون

لاتمنعونهم و تحرمونهم بس ، لكن علموهم الصح من الغلط و فهموهم

لاتهملونهم لكن عطوهم من وقتكم و اهتمامكم

ربوا فيهم الوازع الديني

حاسبوهم

عاقبوهم اذا كرروا الغلط

دايماً عطوهم الثقة

عاملوهم و كلموهم كأنهم كبار

-

-

و الله يصلحهم و يهديهم

:)

أحاديث نفس

-
-
-
-
-
-

قد نتألم ..

وقد نحزن ونشقى ..

ولكننا لا نرسم الحزن لنا طريقاً ..

ولا ندع خطوط اليأس تأخذ طريقها لتقاسيم وجوهنا

-

تمر على الانسان لحظات ..

يتملك الحزن فيها كل جوارحه ..

ويكره حياته ..

ولا يتذكر سوى اللحظات المؤلمة والمواقف التي قتلته .. يوماً ما

ولكن .. يبقى لنور الامل مدخل

و من يكن مع الله يكن معه

-

-

-

السلام عليكم و رحمة الله و بركاته

-
-

-

-

-

تحية معطرة بالمسك و العود

أبعثها لكم

-

-

-

أهني كل واحد مجهز جنطته و راح المستوصف و طعم للحج

ماشالله ماشالله

مابي أحسدهم

قلبي طاير للحج هالسنة

-

ادعوا لي تتسهل و أصير حجية هالسنة

:)